اضافة قائمة الريوق من مطعم بيزيتا
من كم يوم استجبت لدعوة افطار من مطعم بيزيتا بمناسبة اضافة أطباق الفطور للقائمة و أكيد للتعريف عن موقعهم الجديد “بالبدع”، صادفت اني رديت من السفر بعد نص الليل و فيني مو بس النوم إلا سلطان النوم بس بما انه المطعم قريب من البيت و السالفة فيها أكل و التعرف على المنظمين و المدونين فأكيد مستاهلة. بطبيعة الحال ما راح يكون في تقييم للأكل بما تني كنت معزوم يعني الهدف التعريف عن المكان و المينيو الجديد، و اتمنى ما تفهمون رسالتي خطأ أو ان الأكل سيء، بالعكس، بس ذوقا و أدبا الضيف ما يقيم المضيف أما لو كنت زبون فأكيد التقييم بصير ايجابا أو سلبا بس بالنقد البناء، بالعموم تقييمي و تعليقاتي تعبر عن ذوقي و رأي الشخصي فالخلاف من زايرين مدونتي وارد جدا و مقبول طبعا، بدون ما نطول أكثر بالمقدمات و قبل ما نبدي بالصور، اقتراحي على ادارة المطعم انهم يضيفون صور بعض الأطباق و المكونات الرئيسية لكل الأطباق بالقائمة
مطعم بيزيتا الدور الاول
بما اني أول الواصلين قلت أقعد بروحي و اخذ فكرة سريعة قبل الزحمة، هذي صورة للطابق العلوي من المطعم
عصير برتقال
أحلى بداية على الصبح انه الواحد يبلش بعصير فريش بس أكيد وايد يفضلون الشاي أو القهوة بس الفاكهة بداية مفيدة و صحية
فطيرة قشقوان و زيتون و طماط
هذا صنف من أصناف الفطور، عندهم تشكيلة فطور واسعة، فوق العشرين صنف
فطيرة قشقوان و زيتون و طماط
صورة أقرب شوي للفطيرة
أطباق بيض من الفرن للطاولة
من الفرن يعني المواعين نار، تفاصيل أكثر بالصور تحت
أطباق بيض من الفرن للطاولة
محتاس و قاعد أحاول أضبط صورة بمستوى عالي بس ما طلعت بالنتيجة اللي ودي فيها
بيض بالفقع و السبانخ و الأسباراجس
بيض بالفقع و السبانخ و الأسباراجس
أغلى طبق بيض على قائمة الفطور، مو غالي السعر بس أغلى الموجود فقلت أجربه بالبيت بعد ما أصورلي كم صورة
بيض بالفقع و السبانخ و الأسباراجس
نفس الطبق بس مقلوب على الصحن بالبيت
بيض بالجبن و الخضار
بيض بالجبن و الخضار
حاولت أعرف كل المكونات بس بما اني مو خبير مكونات مو متأكد لو في جبن بالموضوع ولا لأ
بيض بالجبن و الخضار
نفس الطبق بس مقلوب على الصحن بالبيت
موجودين مقابل قصر السيف و مجمع سبونز بالمهبولة و بالبدع عند المطاعم و هذا رابط صفحتهم بالفيس بوك فيه تفاصيل أكثر